Внатрешно уредување на стан во Карпош, Скопје 

Овој стан во Карпош, има препознатлив распоред за станбените згради изградени во 60тите години на минатиот век. Сите соби се свртени на источната страна и со тоа добиваат светлина во утринските часови.

Секоја соба има прилично мали димензии, но сепак станот е компактен. Со овој проект за ентериерно уредување станот добива практично решение, со користење на светли бои и природни материјали. Малиот простор не дозволува употреба на претерана декорација која би го загушила просторот. 

Во дневната, трпезарискиот простор и дневниот простор се одделени со мала полица, како и со темно зелена боја. Ова создава чувство на различен амбиент на два простори со различна функција во иста соба. 

Спалната соба изобилува со темно сината боја која внесува смиреност. Таа е комбинирана со природната боја на дрвото која внесува топлина и чувство на дом.